As Brigantias Roller Derby A Coruña

Patíns, casco e proteccions para os pulsos, cóbados e xeonllos. Podemos prestarche material se nos avisas con tempo.

Só é necesario que saibas desprazarte con estabilidade sobre patíns tradicionais (dous eixos), realizar cambios de dirección e saber frear. A xogar a roller derby ensinámosche nós!!!!

Para participar en As Brigantias Roller Derby A Coruña, como na maioría das ligas do mundo, debemos esixirche que sexas maior de idade. Se tes entre 16 e 18 anos, precisarás dun permiso materno ou paterno para poder adestrar.

Nun partido, ou bout, dous equipos enfróntanse patinando arredor dunha pista plana e ovalada, en sentido contrario ás agullas do reloxo. Un bout de Roller Derby está conformado por dous tempos de 30 minutos cada un, divididos en múltiples xogadas, ou jams, de ata 2 minutos de duración. Ó comezo de cada jam, cada equipo aliña 5 patinadoras: unha jammer, que é a encargada de anotar puntos cada vez que supera a unha xogadora do equipo contrario; tres bloqueadoras, que tratarán de evitar que a jammer do equipo contrario as supere; e unha pívot ou bloqueadora especializada, quen dirixe ás súas compañeiras. As bloqueadoras de ambos equipos acomódanse na pista formando un grupo, ou pack, e axudan á jammer do seu equipo a avanzar máis rápido, mentres tratan de evitar que a jammer do equipo contrario as pase, realizando movementos de contacto chamados bloqueos. Existen regras que definen qué tipo de contacto é legal e cal está estritamente prohibido.

Un deporte de equipo, de contacto e velocidade sobre patíns. Maioritariamente feminino e que esixe forza e constancia.